كتبت الإعلامية جمانة كرم عياد
كل يوم نعيش معك يا روح الروح
كل يوم منفيق على اسمك، ومننام على صوتك
ما غبت لحظة، انت ساكن فينا
آه يا أيلول
إجيت هالسنة مش متل كل سنة
إجيت جرح.. جرح كبير ما بيلتئم
جرح أخذ منا عزيز الروح، أخذ منا السند
يا سيّدنا يا حسن
يا سيّد العزة والكرامة والوفاء
كنا ناطرين الطلة
كنا ناطرين الكلمة اللي بتطمن
كنا ناطرين الإشارة اللي بتخلّي القلوب ترجف عزة
كنت إذا طلّيت، رجعت الروح لقلوبنا
كنت إذا حكيت، سكتت الدنيا لتسمع
كنت الكرامة تمشي على الأرض
اشتقنا إليك يا نبض الحياة
اشتقنا لضحكتك، لحكمتك، لصبرك
اشتقنا لمن علّمنا كيف منوقف بوجه الظلم وما مننكسر
يا عزيز أرواحنا
يا سيّدنا وقائدنا وحبيبنا
رضوان الله عليك
رضوان الله على روحك الطاهرة
نم قرير العين يا سيد الشهداء
ما زرعته فينا ما بيموت
العزة اللي علمتنا ياها ما بتنكسر
الكرامة اللي ربيتنا عليها باقية فينا للأبد
صحيح استشهدت بأيلول
وصار أيلول جرح
بس ذكراك صارت أكبر من الجرح
صارت وطن.. صارت روح.. صارت حياة
كل يوم رح نبقى نعيش معك يا روح الروح
وكل أيلول رح نرجع نقول:
اشتقنا اليك يا سيدنا، اشتقنا اليك يا عزيزنا
والسنة صعبة كتير بعد كمان غياب السيد عبد الكريم حسن نصر الله
راح بيّك يا سيدنا، بس بقيتوا انتو الاثنين ساكنين بروح الروح
