إلاعلامية جمانة كرم عياد
الجنوب واحد.. جبهات متعددة ومصير واحد
من جنوب لبنان إلى جنوب اليمن وفلسطين والعراق وإيران وسوريا.. لماذا تتجه الاستهدافات نحو الجنوب؟
ليش الجنوب؟ وليش كلّ الجنوبات؟
مش جنوب واحد عم ينضرب؛ كلّ الجنوب عم ينضرب…
جنوب لبنان: نفط وبحر وغاز، وأرض رجال ما بيركعوا.
جنوب العراق: نفط وخير، وأرض أهلها أهل كرم وشجاعة.
جنوب اليمن: بحر وموقع بيتحكّم بالعالم، وأهله أهل عزة ونخوة.
جنوب فلسطين، غزة: بحرها ومواردها، وأهلها أهل صبر وجهاد.
جنوب إيران: نفط وغاز وقوة، وأهلها ما بيبيعوا أرضهم.
جنوب سوريا: أرض وخير، وأهلها صامدون رغم كل شي.
ليش كلّ الجنوب؟
لأن الجنوب هو قلب المحور وامتداده، وهو خطّ المواجهة في معركة الأرض والسيادة والكرامة.
الجنوب مش بس أرض؛ الجنوب كرامة، الجنوب شرف، الجنوب مقاومة.
بدهن يضربوا الجنوب ليفكّكوا المحور، وبدهن يسرقوا نفط الجنوب، وغاز الجنوب، وبحر الجنوب، وخير الجنوب. بدهن يفرّغوا الجنوب من أهله، لياخدوا الأرض بلا صاحب، والبحر بلا شعب.
بس اللي ما فهموه إنّ الجنوب ما بينكسر.
الجنوب إذا انجرح، بيقوى. وإذا انقصف، بيوقف. وإذا استشهد منه بطل، بيطلع ألف بطل.
أهل الجنوب جذورهم بالأرض، مثل شجر الزيتون، ومثل الصخر، ومثل البحر. ما بينباعوا، وما بينشرَوا، وما بيركعوا.
نحن جنوب لبنان، وجنوب العراق، وجنوب اليمن، وجنوب فلسطين، وجنوب إيران، وجنوب سوريا…
نحن جنوب واحد، قلب واحد، دم واحد، وقضية واحدة.
إذا ضربوا جنوب، كلّ الجنوب بيوجعو. وإذا وقف جنوب، كلّ الجنوب بيوقف معو.
الجنوب رح يبقى لأهله، والنفط رح يبقى لشعبه، والبحر رح يبقى لأولاده، والكرامة رح تبقى تاج على راس أهل الجنوب.
