الاعلامية جمانة كرم عياد
صباح العزة والكرامة
يوم الشهيد. أحياء ونشعر بحياتهم 11 – 11
سلام على من حفروا بدمائهم معادلة الحق، وتركوا الأثر شاهداً لا يُمحى.
صباح الوفاء لمسيرتهم، صباح الكرامة الممتدة في الأجيال.
اليوم مش يوم عادي.
اليوم 11-11، يوم اللي منوقف فيه كلنا ومنقول: شهدائنا ما ماتوا، شهدائنا أحياء فينا.
هن اللي حفروا بدمّن معادلة الحق، مش بالحكي، بالدم.
تركوا أثر ما بينمحى، لا مع الوقت، ولا مع النسيان، ولا مع كل اللي حاولوا يمحوه.
أثرن باقي ببيوتنا، بولادنا، بكرامتنا، بكل خطوة منمشيها وراسنا مرفوع.
صباح الوفاء لمسيرتهم…
لأنو الوفاء مش كلمة منقولها بيوم وبننساها، الوفاء إنو نضل على دربن، نحمل رسالتن، ونعلّم ولادنا مين هني الشهداء، وليش راحوا، ومنشان مين ضحّوا.
وصباح الكرامة الممتدة في الأجيال…
لأنو الكرامة اللي عايشين فيها اليوم، ما إجت ببلاش.
إجت من دم شهيد، ومن دمعة أم شهيد، ومن صبر بيّ شهيد، ومن وجع عيلة كاملة قدّمت أغلى ما عندها منشان نعيش نحنا بكرامة.
وفي هاليوم، ما فينا ما نذكر سماحة السيد.
هو اللي كان سيد الشهداء، وأب الشهداء، وروح هالمسيرة كلها.
هو اللي علّمنا إنو الشهادة عزّ، وإنو الدم ما بيروح هدر، وإنو النصر بدّو صبر ووفاء وثبات.
اشتقنا لصوتك يا سيدنا، اشتقنا لطلتك، اشتقنا للي كان يطمنّا بكلمتو.
كنت تقول اصبروا، وكنا نصبر.
كنت تقول اثبتوا، وكنا نثبت وراك.
اليوم منقولها بصوت عالي:
نعدكم يا شهدائنا، لن ننساكم.
سنبقى على العهد، وعلى الدرب، وعلى الوفاء.
المجد والخلود لشهدائنا الأبرار
وشهداؤنا أحياؤنا… نبض الوطن
