شهداؤنا أحياؤنا… نبض الوطن

الإعلامية جمانة كرم عياد

شهداؤنا أحياؤنا… نبض الوطن

شو هو يوم الشهيد؟

يوم الشهيد هو 11-11.

اليوم يللي بنوقف فيه كلنا، ومنتذكر شهدائنا كلن، واحد واحد.

اللي راحوا منشان نعيش نحنا بكرامة، وبعزة، وبراس مرفوع.

 هاليوم تحديداً، لأنو بهيدا النهار، سنة 1982، استشهد أول شهيد استشهادي، الشهيد أحمد قصير، بصور.

ومن وقتها صار 11-11 هو يوم كل الشهداء.

يعني هو مش بس ذكرى، هو وعد.

وعد إنو ما رح ننساهن، ولا رح ننسى دمّن، ولا تضحياتن.

هم الذين ضحّوا بحياتهم، وبأعمارهم، وبأحلامهم، وتخلّوا عن كل شيء في الدنيا… عن بيتهم، عن أهلهم، عن أولادهم، عن مستقبلهم، من أجلنا نحن.

من أجل أن نعيش بكرامة.

من أجل أن نمشي وراسنا مرفوعة.

وفي يوم الشهيد، ما فينا ما نوقف عند سماحة السيد.

هو اللي كان إمام الشهداء، وقائد الشهداء، وأب الشهداء.

هو اللي علّمنا معنى الشهادة، مش بالكلام، بالفعل.

هو اللي قدّم ابنه شهيد قبل ما يقدّم ولاد الناس، وقال: ابني متل ولادكن.

وهو اللي مشي على درب الشهداء لآخر لحظة، وما تراجع، وما خاف، وما باع.

سماحة السيد ما كان بس قائد، كان روح المقاومة كلها.

بكلمته كان يطمنّا، بضحكته كان يقوّينا، وبصبره كان يعلّمنا إنو النصر بدّو دم، وبدّو وفاء، وبدّو ثبات.

ومن كلماتنا في يوم الشهيد:

عن اليوم لن نرى على شاشات التلفزة

من كان يزيل عنا الهم والغم

يوم الشهيد مختلف هالعام

يومٌ ممجّد، يومٌ مخلّد… يوم الشهيد

اشتقنا لك، اشتقنا لك قد الدنيا

يا زينة شهدائنا، عليك وعليهم السلام

اشتقنا لصوتك، لضحكتك، لطلتك

اشتقنا للي كان يطمنا بكلمتك

كنت تقول اصبروا، وكنا نصبر

كنت تقول اثبتوا، وكنا نثبت وراك

يا سيدنا، يا سيد الشهداء

انت ما رحت، انت بقلوبنا بعدك

كل شهيد فينا، ماشي على دربك

وكل 11-11، رح نضل نذكرك

نعدكم اليوم، في 11-11، أننا لن ننساكم.

سنبقى نتحدّث عنكم، ونعلّم أولادنا عنكم، ونحمل رسالتكم بكل فخر.

لأنكم أنتم الأحياء الحقيقيون، وأنتم نبض هذا الوطن.

المجد والخلود لشهدائنا الأبرار

وشهداؤنا أحياؤنا… نبض الوطن…