بقلم الأستاذ عدنان ح. أبو خليل
إبقى ببيتك وسكر بابك
حد مرتك وبين أولادك
هني وحدهم يبقوا قبالك
ولما يدق جارك بابك
قلله شو اللي جابك؟
إنسى صحابك وكل رفاقك
كورونا قاتل خلي ببالك!
كورونا قاتل حسيب حسابك
بلحظة بيخطف اغلى أحبابك
رب السما يحمي أولادك
إبقى ببيتك وسكر بابك!
صلي وإدعي وإقرأ كتابك
وإطلب الرحمة بيوم حسابك
عارف همك وهم بلادك
رب الرأفة حامي أولادك
سلم أمرك ربك شايفك
الخير منه بيوصل بابك
إرحم نفسك وإرحم غيرك
الأم بتصرخ والبي بيبكي
خلي الصورة هيده ببالك
مش نكتة سمجة وبيخة
كورونا قاتل صحح حسابك
إبقى ببيتك وسكر بابك!
