كرمال كل اللي بتحبهم… أهلك ووطنك! -بقلم الأستاذ عدنان ح. أبو خليل

هدي من روعك… الله الهادي

روق من طبعك… قول بلادي

ومتل الورد الجوري.. إبقى زاهي

ومتل المؤمن الصابر.. إبقى واعي

وما تكون مغامر… والموت هاوي

وما تسوق بسرعة… والسرعة غاوي

وسوق بروية وحكمة… وكون ناوي

وفكر فيهن، فيهن كلن… لما تسوق!

والموت بسبب السرعة… ابدا” مش قدرك!

لا تمحي صورتهم… من فكرك وبالي

إمك لما تقول… أنت أحلى أولادي

وفرحة وفخر بيك… لما تنال شهادي

دفئ حضن إمك… وبسمة فرحة بيك

ضحكة اختك وخيك… تودي لقلب الوادي

والكل اللي وقفوا بجنبك… والكل بإسمك ينادي

وفكر فيهن، فيهن كلن… لما تسوق!

والموت بسبب السرعة… ابدا” مش قدرك!

الجم غضبك… واركب فرسك

وشق طريقك… بعلمك وأدبك

إخلاصك بعملك… فخرك وشرفك

بإيمانك وصبرك… تحدى قدرك

وقدس القانون… واحمي وطنك

وفكر فيهن، فيهن كلن… لما تسوق!

الموت بسبب السرعة… ابدا” مش قدرك

كرمال كل اللي بتحبهم…أهلك ووطنك!

Leave A Reply